2013.02.01 NEWS UPDATES

හෙල්ල ඇනුණු සිසුවියගේ සැත්කම සාර්ථකයි

හෙල්ලක් පාදයේ ඇනීමෙන් රෝහල්ගත මාතර, තලල්ල උතුර පාසලක සිසුවියගේ සැත්කම සාර්ථක වි තිබේ.

තලල්ල උතුර ප්‍රදේශයේ පාසලක ඉගෙනුම ලබන එන්.ඒ.හර්ෂණි දිල්රුක්ෂි පසුගිය ජනවාරි 30වෙනිදා මෙම අනතුරට ලක්විය.

අනතුරින් පසු ඇය මාතර මහරෝහලට ඇතුලත් කෙරුණු අතර පසුව කරාපිටිය ශික්ෂණ රෝහලට මාරුකර යවා තිබේ.

හර්ෂණි දිල්රුක්ෂි 11වැනි ශ්‍රේණියේ ඉගෙනුම ලබන සිසුවියකි.

http://www.youtube.com/watch?v=7W-lUEu-W_0&feature=player_embedded

ලෝක ක්‍රිකට් ශූරියන්ට ශ්‍රී ලංකාවෙන් අමතක නොවන පාඩමක්


වත්මන් කාන්තා ක්‍රිකට් ලෝක ශූරයින් පරදා විශිෂ්ට ජයක් වාර්තා කිරිමට ශ්‍රී ලංකා කාන්තා ක්‍රිකට් කණ්ඩායම අද සමත් වූවාය.

ලෝක කුසලාන කාන්තා ක්‍රිකට් තරගාවලියේ සිය පළමු තරගයට සහභාගි වූ ශ්‍රී ලංකා කණ්ඩායම අද තරග එක් කඩුල්ලකින් ජය ගත්තාය.

ඉන්දියාවේ බ්‍රබෝන් ක්‍රීඩාංගණයේ පැවැති තරගයේ කාසිය වාසිය දිනූ ශ්‍රී ලංකාව පළමුවෙන් පන්දුවට පහරදමේ අවස්ථාව එංගලන්ත කණ්ඩායමට ලබා දුන්නාය.

ඒ අනුව චාලට් එඩ්වඩ්ස් සහ ඩැනියෙල් ව්යාට් ඉණිම ආරම්බ කළාය.

එංගලන්තයේපළමු කඩුලු 3 ලකුණු 29ක් තුළ බිඳ වැටිම විශේෂත්වයකි.

හිදර් නයිට් ලකුණු 38ක් රැස් කළාය.

ඉණිමේ වැඩිම කඩුලු ලාභියා වූ ජෙනි ගන් පන්දු 71කදී ලකුණු 52ක් ලබා ගැනිමට සමත් වූවාය.

එෂානි කෞෂල්‍යා, චාමනි ‍ සෙනෙවිරත්න හා නායිකා ශෂිකලා සිරිවර්ධන අතර කඩුලු 2බැගින් බෙදි ගියාය.

පන්දුවාර 50 අවසානයේදි එංගලන්ත කණ්ඩායම කඩුලු 8ක් දැවී රැස් කළ ලකුණු ගණන 238කි.

ශ්‍රී ලංකාව වෙනුවෙන් චමරි මෙන්ඩිස් හා යශෝධා මෙන්ඩිස් පිළිතුරු ඉණිම ආරම්භ කළාය.

චමරි අතපත්තු ලකුණු 50සීමාව පසු කළේ පන්දු 64කිනි.

ඔවුන් දෙදෙනා අතරේ පළමු කඩුල්ලේ සබඳතාව ලකුණු 103කට සීමා වුණේ අතපත්තු ලකුණු 62කට දැවීයාමත් සමගිනි.

යශෝධා මෙන්ඩිස් ලකුණු 64ක් රැස් කළාය.

නායිකා ශෂිකලා සිරිවර්ධන ලකුණු 34කට දැවි ගිය අතර, ඉණිමේ වැඩිම ලකුණු ලාභියා වු එෂානි කෞෂල්‍යා පන්දු 41කින් ලකුණු 56ක් ලබා ගත්තාය.

හතරේ පහර 5ක් සහ හයේ පමර 3ක් ඇගේ ඉණිමට ඇතුලත් වූවාය.

තරගයේ අවසන් පන්දුවේදි දිලානි මනෝදරා එල්ල කළ හතරේ පහරත් සමගින් ශ්‍රී ලංකාව තරගය ජය ගැනීමට සමත් වූවාය.

තරගයේ වීරයා සම්මානය ශ්‍රී ලංකාවේ එෂානි කෞෂල්‍යා දිනා ගත්තාය.

ශ්‍රී ලංකා කාන්තා ක්‍රිකට් කණ්ඩායම සහභාගීවන මීළඟ තරගය ලබන 3වෙනිදා බටහිර ඉන්දීය කොදෙව් කාන්තා කණ්ඩායම සමග පැවැත්වීමට නියමිතයි.

http://www.youtube.com/watch?v=n2zQa7CIQkE&feature=player_embedded

ඉරාජ්ට නොතීසි

ජනප්‍රිය ගායක ඉරාජ් වීරරත්න මහතාට කොළඹ වාණිජ මහාධිකරණ අද අතුරු තහනමක් පිළිබඳ නොතීසි සහ සිතාසි නිකුත් කළේය.

ඒ, 1950 වසරේ, නිෂ්පාදනය කළ අයියයි මල්ලියි චිත්‍රපටයට ප්‍රවීණ ගීත රචකයෙකු වන හර්බට් එම්. සෙනෙවිරත්න මහතා විසින් රචිත මට ආලෝකය ගෙන දෙවි සංසාරේ යන ගීතයේ අයිතිය සම්බන්ධ‍යෙන් ඉදිරිපත් කළ නඩුව සලකා බැලු අවස්ථාවේදීය.

මේ අනුව වගඋත්තරකාර ඉරාජ් වීරරත්න මහතා ලබන 19 වැනි දින අධිකරණය හමුවේ පෙනී සිටිය යුතු බව විනිසුරු ගාමිණි අමරසේකර මහතා නියෝග කළේය.

හර්බට්. එම් සෙනෙවිරත්න මහතාගේ බිරිද වන ස්වර්ණා ලක්ෂ්මී සෙනෙවිරත්න, සහ පුතා වන චින්තක  මෙන්ඩිස් සෙනෙවිරත්න මෙම නඩුව ගොනු කර තිබෙනවා.

ඔවුන්ගේ පැමිණිල්ලේ සදහන් වන්නේ එම ගීතයේ, ඇතැම් පද සහ කොටස් යොදා ඉරාජ් වීරරත්න මහතා ගීයක් නිර්මාණය කර ,ප්‍රසිද්ධියට පත් කරමින් සීඩි මගින් සහ සංගීත ප්‍රසංගවල ගී ගයන බවය.

ඉන් තමන්ට අගතියක් වන බව පෙන්වා දෙන පැමිණිලිකරුවන් රුපියල් මිලියන 10 ක වන්දියක් ගෙවන්‍න යැයි එරාජ් වීරත්න මහතාට නියම කරන ලෙසත් එම ගීතය භාවිතා කිරීම තහනම් කෙරෙන නියෝගයක් පනවන්නැයි අධිකරණයෙන් ඉල්ලා සිටී.


මම අස්වෙන්නේ නෑ

ධූරයෙන් ඉල්ලා අස්වීමට අදහස් නොකරන බව අග්‍රමාත්‍ය දී.මූ. ජයරත්න මහතා පවසයි.

අග්‍රාමාත්‍ය මාධ්‍ය අංශය නිකුත් කළ නිවේදනයක දැක්වෙන්නේ දී.මූ. ජයරත්න මහතා මාධ්‍යවේදීන් හමුවේ අද පෙරවරුවේ මේ බව ප්‍රකාශ කළ බවය.

විසුම්පාය අග්‍රාමාත්‍ය නිල නිවසේදී අද පෙරවරුවේ මාධ්‍යවේදීන් හමු වු දී.මූ. ජයරත්න මහතා පවසා ඇත්තේ තනතුරු, කබායක් මෙන් ඕනෑම අවස්ථාවක ඉවත් කළ හැකි දෙයක් බවය.

එහෙත් ජනතාව වෙනුවෙන් සේවය කිරීමට බැදී සිටින දේශපාලනඥයින්, ධූරයක් ලැබුණත් නැතත් හැකි පමණින් ජනතාවට සේවය කළ යුතු බව අග්‍රාමාත්‍යවරයා පෙන්වා දී තිබේ.

ඔහු එහිදී අවධාරණය කර ඇත්තේ රට සංවර්ධනය කිරිමේදී ජනාධිපතිවරයා ගන්නා ඕනෑම ක්‍රියාමාර්ගයකට අග්‍රාමාත්‍යවරයා වශයෙන් එකඟ වන බවය.

විශ්‍රාම යාම පිළිබදව තමන් විශ්වාස නොකරන අතර සෑම පුද්ගලයකුම කායිකව හා මානසිකව සමබරව සිටින තාක් සමාජයට සේවය කළ යුතු බව ද දී.මූ. ජයරත්න මහතා අවධාරණය කර තිබේ.

ඔහු වැඩිදුරටත් පවසා ඇත්තේ ජනාධිපතිවරයා තමාට ඉල්ලා අස්වීමට හෝ විශ්‍රාම යාමට හෝ කිසිදු අවස්ථාවක යෝජනා නොකළ බවය.

Posted in: NEWS